14.07.2026 Скопје
Во Северна Македонија, само лицата над 18 години смеат да возат електрични тротинети, но не побрзо од 20 километри на час.
Ова е предвидено со измени на Законот за безбедност на сообраќајот на патиштата, чија цел, како што е објаснето, е да се зголеми безбедноста на возачите на лесни електрични возила, како и на сите други учесници во сообраќајот.
Според новите правила, само лице кое наполнило 18 години ќе може да управува со електричен тротинет, наместо досегашните 14 години.
Максималната дозволена брзина е ограничена на 20 километри на час на велосипедските патеки и ленти, додека ограничувањето на тротоарите, пешачките и мешаните патеки останува шест километри на час.
При преминување на пат или пешачки премин, доколку нема велосипедска патека или лента, возачите на електрични тротинети се должни да слезат и да го туркаат возилото, според измените на Законот за безбедност на сообраќајот на патиштата, кои Собранието на Северна Македонија ги усвои на 30 јуни.
Ново е забраната за превоз на друго лице на скутер и возење во алкохолизирана состојба, задолжително е носење заштитен шлем за сите возачи, како и носење рефлектирачки елек во услови на намалена видливост и ноќе.
За прекршоци, покрај глобите, предвидена е и привремена конфискација на електрични тротинети во траење од 30 дена, а во случај дете да вози електричен тротинет, одговорноста паѓа на родителите или старателите.
Подготвено од А.Ѓ.
About Author
