06.07.2026 Скопје
Поранешни американски разузнавачки службеници открија дека тактиките за регрутирање на Централната разузнавачка агенција (ЦИА) честопати вклучуваат задоволување на личните потреби на лицата за кои ЦИА е заинтересирана, а поретко нудење пари или дијаманти.
Како што истакнуваат тие, парите ретко функционираат сами по себе, а школарината на детето, медицинската нега што му го спасува животот, визата или, во еден извонреден авганистански случај, четири апчиња Виагра, можат да се покажат поубедливи од куфер со пари. Поцелосната слика, извлечена од декласифицирани судски записи и децении сведоштва од прва рака, покажува дека агентите за регрутирање посегнуваат по она што едно лице тајно го сака.
Џејмс Лолер, поранешен службеник на ЦИА, кој со децении регрутирал странски шпиони, изјави за разузнавачката веб-страница SPYSCAPE дека, според неговото искуство, парите речиси никогаш не биле единствениот мотив.
Вклучените износи се обично поскромни отколку што би можело да се помисли, а поголеми суми, додаде тој, почесто им се исплаќаат на Американци регрутирани од непријателски служби, што помага да се објасни зошто прашањето за парите е двонасочна улица во современата шпионажа.
Така, Кевин Малори, поранешен офицер на ЦИА кој се давел во долгови, добил околу 25.000 долари од кинеската разузнавачка служба пред да биде осуден за шпионажа, според обвинителите.
Во меѓувреме, ЦИА објави упатства на мандарински, фарси и корејски јазик, повикувајќи ги незадоволните службеници во Кина, Иран и Северна Кореја безбедно да стапат во контакт доколку се заинтересирани.
Најнеобичниот случај во поновата историја на ЦИА се случи во Авганистан во 2008 година.
„Вашингтон пост“ пишуваше за офицер на ЦИА кој му дал на постар старешина од авганистанската заедница четири апчиња Виагра.
Офицерот се вратил неколку дена подоцна, а воодушевениот Авганистанец му раскажал многу детали за движењата на Талибанците и нивните патишта за снабдување, по што следело барање за повеќе апчиња.
Листата на практични „мамки“ за време на регрутирањето вклучуваше џебни ножеви, лекови или операции за болни роднини, училишен прибор, вадење заби и патни визи. Пензионираниот офицер на ЦИА, Роберт Баер, рече дека здравствената заштита е почеста понуда, потсетувајќи на еден случај во кој агенцијата понудила можност за операција на бајпас на срцето.
Подготвено од А.Ѓ.
About Author
