05.06.2026 Скопје
Педесет вработени во Детската клиника денес протестираа пред Министерството за финансии, откако не ги добиле платите од почетокот на годината. Тие велат дека добиле негативен одговор од Министерството за финансии во врска со продолжувањето на нивниот договор. Тие бараат трајно решение за нивниот статус.
Еден од учесниците во протестот изјави дека нивните барања за продолжување на договорот постојат уште од 2019 година, но по долго чекање, добиле негативен одговор.
„Ако немало намера за продолжување на договорите, тогаш зошто одговорот траел пет месеци? Од која причина работниците биле оставени да работат до крајот на мај, додека барањата се во сила од јануари? Како е можно над 90 проценти од здравствените установи да добиваат позитивен одговор, додека Клиниката за детски болести постојано добива негативни одговори, без аргументи и без јасни објаснувања?“, прашува Флора Гаши.
По ова, вработените беа примени на состанок со претставници на Министерството за финансии, кои им ветија дека ќе се ангажираат за да утврдат дали проблемот е заглавен во Министерството за финансии или некаде на друго место и дека ќе им достават информации во рок од една недела.
Станува збор за околу 50 вработени со нерешен статус, кои тврдат дека меѓу нив има и такви што имаат осум години континуирано работно искуство на Клиниката.
Подготвено од А.Ѓ.
About Author
