05.06.2026 Скопје
Унгарската влада следната недела ќе достави до парламентот нацрт-закон за борба против корупцијата, чие усвојување има за цел да ги исполни критериумите на Европската унија за владеење на правото и е услов за ослободување на милијарди евра замрзнати средства, изјави денес министерот за транспорт и инвестиции на земјата, Давид Витези.
„Ова ќе биде сеопфатен закон против корупцијата, кој исто така ќе ја подобри транспарентноста на унгарскиот јавен живот. Ова ги претставува критериумите за владеење на правото што ќе ни овозможат да ги вратиме средствата од ЕУ дома“, изјави Витези за новинарите.
Тој рече дека законот ќе ѝ овозможи на Унгарија да користи до десет милијарди евра од фондот на ЕУ за закрепнување од Ковид-19 за финансирање на проекти за транспорт и обновлива енергија, како и средства за поддршка на мали бизниси и изградба на станови за изнајмување.
Витези додаде дека реформите ќе ги зголемат овластувањата на Унгарскиот орган за интегритет, надзорниот орган против корупцијата, и ќе создадат поголема транспарентност во откривањето на имотот на јавните службеници.
Новиот унгарски премиер Петер Маѓар обезбеди ослободување на 16,4 милијарди евра од фондовите на ЕУ за Унгарија во мај, ветувајќи дека ќе ги повлече реформите на претходниот премиер Виктор Орбан за кои ЕУ рече дека ѝ наштетиле на демократијата.
Подготвено од А.Ѓ.
About Author
