01.06.2026 Скопје
Портпаролот на иранското Министерство за надворешни работи, Есмаил Багеи, денес ја оцени како лицемерна и неодговорна изјавата на Европската Унија во која се обвинува Иран за користење на своето право на самоодбрана од американската агресија лансирана од базите во соседните земји.
Како што рече тој, тоа е „пример од учебници за селективен морален гнев“.
„ЕУ мора да остане верна на владеењето на правото и на принципите на Повелбата на ОН за кои долго време тврди дека ги почитува. Мора да престане да ги смирува агресорите и да ги обвинува оние што реагираат на нелегалните напади“, рече Багеј во објава на социјалната мрежа X.
Тој нагласи дека иранските напади врз овие бази и средствата што се користат за започнување незаконски напади врз Иран претставуваат легитимна самоодбрана.
„Државите имаат утврдена законска обврска да не дозволат нивната територија или средства да се користат за инвазија на други земји“, заклучи Бејги.
Европската Унија во петокот издаде соопштение во кое „остро го осудува нападот на Иран врз Кувајт, кој го наруши неговиот суверенитет според меѓународното право“ и изрази целосна солидарност со Владата и народот на Кувајт.
„Ваквите напади претставуваат сериозна закана за регионалната безбедност и стабилност“, се вели во соопштението на ЕУ.
Кувајтските власти го обвинија Иран за ракетни и беспилотни напади врз нивна територија еден ден претходно, опишувајќи ги како „опасна ескалација“ и додавајќи дека ваквите дејствија ги поткопуваат обидите за стабилизирање на регионот.
Подготвено од А.Ѓ.
About Author
