09.06.2026 Скопје
Украинскиот претседател Володимир Зеленски и финскиот премиер Петери Орпо во Талин разговараа за зајакнување на европската одбрана, подготовка на договор за беспилотни летала и развој на антибалистичка заштита, рече Зеленски.
Состанокот се одржа во пресрет на самитот Украина-НБ8, на кој учествуваат Украина и земјите од Северна Европа и Балтикот, објави Укринформ.
Според Зеленски, разговорите се фокусирале на европските напори за развој на антибалистичка одбрана, како и на подготовката на договор во рамките на иницијативата „Договор за дронови“, која има за цел зајакнување на одбранбените способности на европските држави.
Двајцата претставници разговараа и за потребите на Украина за воздушна одбрана, регионалните безбедносни предизвици и дипломатските напори насочени кон постигнување мир.
Зеленски ѝ се заблагодари на Финска за нејзината воена и финансиска помош за Украина, вклучително и претходните пакети за воена поддршка и придонесите во програмата PURL, наведувајќи дека Хелсинки е подготвен да продолжи со својата поддршка.
Претседателот на Украина учествува на самитот Украина-НБ8 во Талин, на кој учествуваат претставници на Естонија, Данска, Финска, Исланд, Латвија, Литванија, Норвешка и Шведска.
Подготвено од А.Ѓ.
About Author
