23.04.2026 Скопје
Турскиот парламент доцна во средата усвои закон кој вклучува ограничување на пристапот до социјалните мрежи за деца под 15 години.
Законодавството е дел од глобалниот тренд за заштита на младите од опасни онлајн активности.
Неговото усвојување доаѓа една недела по вооружениот напад во кој 14-годишно момче уби девет ученици и еден наставник во средно училиште во Кахраманмараш, во јужна Турција.
Полицијата ја истражува онлајн активноста на напаѓачот, кој исто така починал, со цел да ја утврди неговата мотивација.
Законот ќе ги обврзе платформите за социјални мрежи да воведат системи за проверка на возраста, алатки за родителска контрола и брза реакција на содржини кои се сметаат за штетни.
Турскиот претседател Реџеп Таип Ердоган треба во рок од 15 дена да го одобри новиот закон со кој се ограничува пристапот до социјални мрежи за деца под 15 години.
По трагичниот инцидент во Кахраманмараш, тој истакна потреба од поголема заштита на децата од онлајн ризици, додека, пак, опозицијата смета дека решението треба да се базира на права, а не на забрани.
Законот предвидува забрана за отворање сметки, родителски контроли и строга регулација на платформите, со казни за прекршување.
Слични мерки веќе се спроведуваат или се разгледуваат во Австралија, Индонезија, Шпанија, Франција и Обединетото Кралство.
Подготвено од А.Ѓ.
About Author
