30.04.2026 Скопје
САД работат на формирање меѓународна коалиција со цел да се овозможи непречен премин на бродови низ Ормускиот теснец, откако сообраќајот низ оваа клучна поморска рута е запрен.
Според извештајот, предложената иницијатива под името „Конструкција на поморска слобода“ би имала за цел размена на информации, координација на дипломатски активности и помош во спроведување на санкции.
Во интерен телеграм на Стејт департментот се наведува дека колективната акција е неопходна за обновување на слободата на пловидба и заштита на глобалната економија.
Американските дипломати добиле инструкции да ја испитаат подготвеноста на други земји да учествуваат како дипломатски и/или воени партнери во оваа иницијатива, која заеднички би ја воделе Стејт департментот и Централната команда.
Како што се додава, новата коалиција би ги надополнила постојните поморски безбедносни операции, вклучувајќи иницијативи предводени од Обединетото Кралство и Франција.
Подготвено од А.Ѓ.
About Author
