30.04.2026 Скопје
Кралската комисија за антисемитизам, формирана по пукањето на плажата Бондаи, препорача да се даде приоритет на реформи во системот за оружје и проширување на полициската заштита на еврејските фестивали и јавни настани.
Комисијата е формирана по нападот на еврејски собир на плажата Бондаи, во кој беа убиени 15 лица.
Во привремениот извештај на поранешната судијка на Високиот суд, Вирџинија Бел, се наведени 14 препораки, од кои некои се делумно доверливи поради национална безбедност.
Австралискиот премиер Ентони Албанезе изјави дека владата ќе ги спроведе сите препораки, вклучувајќи зајакнување на контролата на оружјето и можни програми за откуп на огнено оружје.
Извештајот исто така препорачува зајакнување на национално усогласени реформи за оружје, проширување на полициските безбедносни мерки на еврејски фестивали и настани, како и унапредување на работата на антитерористичките тимови и разузнавачките служби како Австралиската безбедносно-разузнавачка организација (ASIO).
Иако истрагата не идентификувала правни празнини што би го спречиле нападот, истакнато е дека постојат прашања поврзани со разузнавачката работа и безбедносните процедури кои дополнително ќе се разгледуваат на сослушувањата.
Претставници на властите и еврејската заедница наведуваат дека извештајот е важен чекор, но дека остануваат отворени прашања за безбедноста и растот на антисемитизмот во Австралија.
Во нападот на 14 декември минатата година, татко и син отвориле оган на јавен настан на плажата Бондаи.
Еден напаѓач бил убиен на лице место, додека другиот бил обвинет за повеќе кривични дела, вклучувајќи убиство и терористички напад.
Подготвено од А.Ѓ.
About Author
