29.04.2026 Скопје
Европа забележа една од најтоплите години во 2025 година, додека научниците предупредуваат дека 2026 година би можела да биде уште потопла поради очекуваниот посилен Ел Нињо, покажа нов извештај од Светската метеоролошка организација и програмата Коперникус на ЕУ.
Според податоците, речиси целиот европски континент минатата година доживеал температури над просекот, со екстремни топлотни бранови, шумски пожари, суши и забрзано топење на глечерите.
Ова доведе до рекордна сезона на пожари и значителна климатска штета низ целиот континент.
Научниците предупредуваат дека развојот на силен феномен Ел Нињо би можел дополнително да ги зголеми глобалните температури во наредните години, бидејќи овој климатски модел ги засилува ефектите од глобалното затоплување.
Европа веќе се затопли за околу 2,5 степени Целзиусови во споредба со прединдустрискиот период, што е значително побрзо од глобалниот просек, а експертите истакнуваат дека промените се особено изразени во фреквенцијата на суши, пожари и намалувањето на зимските студени периоди.
Претставниците на Европската Унија предупредуваат дека се потребни итни трансформативни промени за подобро да се подготви континентот за сè поизразените климатски екстреми.
Подготвено од А.Ѓ.
About Author
