21.08.2026 Скопје
Земјите од источниот брег на НАТО имаат намера да предложат покривање на поголем дел од трошоците за присуство на американски трупи со цел да ја убедат администрацијата на американскиот претседател Доналд Трамп да не го намалува бројот на своите сили во регионот.
„Членовите на НАТО од Источна Европа предлагаат намалување на американските трошоци за трупи стационирани на нивна територија, со цел да ја одвратат администрацијата на Трамп од намалување на американското воено присуство“, објавува агенцијата.
Според „Блумберг“, предлогот се подготвува за состанок на сојузниците со заменик-министерот за одбрана на САД за политички прашања Елбриџ Колби, кој е закажан да се одржи на 27 август во Брисел.
Пентагон моментално спроведува шестмесечен преглед на американското воено присуство во Европа, а резултатите се очекуваат до декември.
Бројот на американски војници во Европа, во зависност од ротациите и воените вежби, е помеѓу 80.000 и 100.000, при што повеќе од една третина се наоѓаат во Германија.
Во земјите од Источниот фронт, има од неколку стотици американски војници распоредени во балтичките држави до неколку илјади во Полска.
Агенцијата наведува дека сојузниците стравуваат од намалување на американските сили.
САД претходно објавија повлекување на 5.000 војници од Германија, како и намалување на силите и ресурсите што Вашингтон вети дека ќе ги обезбеди во случај на напад врз земја од НАТО.
Подготвено од А.Ѓ.
About Author
