20.08.2026 Скопје
Италијанскиот министер за надворешни работи Антонио Тајани, по разговорите со неговиот германски колега Јохан Вадефул, изјави дека двете земји продолжуваат да работат на координирање на иницијативите за надворешна политика, од Балканот до Африка, со цел најдобро да се одбранат и заштитат безбедноста и интересите на граѓаните на тие земји и на Европа.
Тој на социјалната мрежа X напиша дека дијалогот меѓу Италија и Германија продолжува и дека миграцијата е приоритет.
„Делиме заеднички загрижености во врска со Сеута и потребата да се обезбеди максимална заштита на надворешните граници на Европа. Ја потврдуваме потребата од координирана борба против трговците со луѓе и зајакнување на надворешната димензија на ЕУ“, напиша Тајани.
Според него, за време на разговорот била потврдена и целосната поддршка за Украина.
„Ќе продолжиме да работиме кон завршување на војната и соодветни безбедносни гаранции во Киев. Иако го осудуваме насилството и постапките на доселениците на Западниот Брег, ја зајакнуваме нашата посветеност кон деескалација меѓу Израел и Либан и решение за две држави. Мора да работиме на обезбедување слобода на пловидба и безбедност на трговските патишта во Хормуз и Црвеното Море“, напиша Тајани.
Подготвено од А.Ѓ.
About Author
