21.07.2026 Скопје
Според податоците од Европскиот сателитски информативен систем за следење на шумски пожари („EFFIS“), повеќе од 42.000 хектари изгореле во шумски пожари во Франција од почетокот на оваа година, што претставува рекорден биланс на шумски пожари во таа земја.
Никогаш во последните 20 години мерења во Франција шумските пожари не уништиле поголема површина помеѓу јануари и средината на јули, а оваа година е соборен претходниот рекорд од 2022 година.
Површината на изгорени површини во првите шест и пол месеци од 2026 година е веќе значително поголема отколку за целата 2025 година.
Според податоците на EFFIS, од пожарите во шумата Фонтенбло до оние во масивот Дром, во Вар и на Корзика, пожарите изгореа околу 15.000 хектари од почетокот на месецот.
Така, јули 2026 година стана вториот најлош јули по 2022 година, во кој пожарот уништи околу 27.000 хектари.
За разлика од 2022 година, EFFIS регистрираше бројни шумски пожари во февруари, што традиционално е период на контролирано палење и пожари запалени на контролиран начин од страна на пожарникарите за расчистување на шумите.
„Тоа е многу повеќе од сè што изгоре цела минатата година и повеќе отколку во истиот период во 2022 година, што е веќе рекордна година за пожари“, изјави денес францускиот министер за внатрешни работи Лоран Нуњез.
На ниво на целата година, францускиот рекорд е 66.300 хектари изгорени во 2022 година, но вкупната површина регистрирана од почетокот на оваа година претставува речиси две третини од таа површина.
Франција, како и големи делови од европскиот континент, е погодена од силна суша и невиден јунски топлотен бран.
Шумските пожари изгореа повеќе од еден милион хектари во Европската Унија во 2025 година поради зголеменото глобално затоплување.
Подготвено од А.Ѓ.
About Author
