08.06.2026 Скопје
Израелскиот премиер Бенјамин Нетанјаху, по телефонскиот разговор со американскиот претседател Доналд Трамп, се согласи да го одложи одговорот на иранските напади и да му даде време на Вашингтон да постигне договор со Техеран.
Трамп го замолил Нетанјаху да не возвраќа на иранскиот ракетен напад и да остави повеќе време за дипломатија, изјавил висок американски функционер и израелски извор запознаен со деталите од разговорот.
За време на повикот, Трамп му рекол на израелскиот премиер да почека бидејќи „сме блиску до постигнување нешто добро во однос на договорот“, рекол изворот, додавајќи дека Нетанјаху се спротивставил, но на крајот се согласил да се повлече.
Изворот, исто така, рече дека телефонскиот разговор во неделата бил помирен од напнатата размена на разговори меѓу лидерите минатата недела и дека Трамп не му го кренал гласот на Нетанјаху.
Трамп во неделата изјави дека Нетанјаху „нема да има друг избор“ освен да прифати каков било договор што САД ќе го постигнат преку преговори со Иран.
„Јас одлучувам. Јас одлучувам за сите одлуки. Тој не одлучува“, рече Трамп за ситуацијата.
Подготвено од А.Ѓ.
About Author
