17.06.2026 Скопје
Британскиот премиер Кир Стармер денес изјави дека ќе се бори против секој што ќе се обиде да го отстрани од позицијата лидер на Лабуристичката партија и дека верува оти секој таков обид би бил „лоша работа“ за земјата.
„Доколку има предизвик, имам намера да се борам против секој предизвик за моето лидерство. Не мислам дека треба да има предизвик, бидејќи мислам дека тоа е лошо за земјата“, изјави Стармер за Би-Би-Си на самитот на Г7 во францускиот град Евијан.
Поранешниот британски министер за здравство Вес Стритинг претходно изјави дека е подготвен да започне обид за отстранување на Кир Стармер од позицијата лидер на Лабуристичката партија, со цел да го замени како премиер уште следната недела.
Стармер, на маргините на самитот на Г7 во Евиан, рече дека не е лут ниту огорчен поради шпекулациите за намерите и обидите да се отстрани од позицијата лидер на Лабуристичката партија.
„Не, не чувствувам лутина, не чувствувам огорченост бидејќи си потсетувам дека е неверојатна привилегија да се биде премиер на Обединетото Кралство“, рече Стармер.
Тој рече дека ова го вклучува неговото присуство на самити како Г7 и можноста да „ѝ служи на својата земја и да се справи со тешки прашања“.
На прашањето дали ќе се бори против обидот за негово отстранување, Стармер рече дека тоа е „она што тој сака да го направи“.
„И бев многу јасен во врска со тоа. Дали признавам дека ова значи дека мора да ги свртиме работите? Да, признавам. Но, тоа е она што сакам да го направам“, рече Стармер, кој додаде дека е свесен за слабите резултати на Лабуристите на неодамнешните локални избори.
Подготвено од А.Ѓ.
About Author
