03.06.2026 Скопје
Алфабет, матичната компанија на Гугл, денес објави дека ја зголемила планираната емисија на акции на 84,75 милијарди долари, што е наменето за финансирање на понатамошниот развој на вештачката интелигенција (ВИ) и изградбата на инфраструктурни капацитети.
Ова потврдува една од најголемите капитални трансакции во технолошкиот сектор. Емисијата беше зголемена од претходно планираните 80 милијарди долари поради исклучителен интерес на инвеститорите и вклучува комбинација од продажба на обични и преференцијални акции, како и приватна инвестиција од 10 милијарди долари од „Беркшир Хатавеј“.
Средствата ќе бидат искористени за изградба на нови центри за податоци, зајакнување на компјутерската инфраструктура и развој на капацитети за обука и распоредување модели на вештачка интелигенција, како дел од стратешкиот инвестициски циклус на компанијата. „Алфабет“ претходно изјави дека ќе потроши помеѓу 180 и 190 милијарди долари капитални расходи во 2026 година, што аналитичарите го нарекуваат продолжување на силниот раст на инвестициите во вештачка интелигенција меѓу големите технолошки компании.
Ова доаѓа во време на зголемена активност на пазарите на капитал во технолошкиот сектор, при што компаниите го зголемуваат издавањето акции и задолжувањето за да го финансираат забрзаниот развој на вештачката интелигенција.
Подготвено од А.Ѓ.
About Author
