02.06.2026 Скопје
САД денес воведоа санкции врз најголемата иранска берза за криптовалути „Нобитекс“, нејзиниот менаџмент и уште три ирански платформи за тргување со дигитални средства, објави Министерството за финансии на САД.
Санкциите се дел од поширока кампања за економски притисок врз Иран и доаѓаат во време кога дипломатските напори за постигнување договор меѓу Вашингтон и Техеран продолжуваат да не даваат конкретни резултати. Американските власти го обвинуваат „Нобитекс“ за олеснување на трансакции поврзани со активности што Вашингтон ги смета за терористички, вклучително и финансиски текови поврзани со Корпусот на исламската револуционерна гарда (ИРГЦ), како и за заобиколување на меѓународните санкции.
Министерството за финансии на САД соопшти дека платформата наводно им помогнала на иранските институции и поединци поврзани со владата да користат меѓународни крипто платформи и да пристапат до стотици милиони долари во дигитални средства и покрај постојните ограничувања. Санкциите ги вклучуваат и извршниот директор на крипто берзата Nobitex, тројцата коосновачи на компанијата и уште три ирански крипто берзи.
Вашингтон тврди дека „Нобитекс“ исто така одиграл улога во преместувањето на финансиските средства од Иран по почетокот на американските воени операции.
Подготвено од А.Ѓ.
About Author
