25.06.2026 Скопје
Вредноста на увозот на сурова нафта во Европската Унија се зголеми за 0,8 проценти во споредба со просечното месечно ниво во 2025 година, додека физичкиот обем на увозот се намали малку за 0,6 проценти, објави денес Евростат.
Според податоците од Европскиот завод за статистика, САД останаа најголемиот поединечен снабдувач на сурова нафта во Европската Унија, со удел од 17,8 проценти од вкупниот увоз, пред Норвешка со 16,6 проценти и Казахстан со 9,6 проценти. Во исто време, вредноста на увозот на течен природен гас (LNG) се намали за осум проценти, иако обемот на увезениот LPG се зголеми за 2,9 проценти, што укажува на пониски цени за овој енергетски извор на меѓународниот пазар. Пад е забележан и кај природниот гас испорачан преку цевководи, при што вредноста на увозот се намали за 12,7 проценти, а обемот за четири проценти.
Кога станува збор за течен природен гас, повеќе од половина од вкупниот увоз, или 57,4 проценти, доаѓа од Соединетите Американски Држави, додека Русија и Катар учествуваат со 17,3 и 6,6 проценти, соодветно. Норвешка, исто така, ја задржа својата водечка позиција како снабдувач на природен гас транспортиран преку цевковод, со удел од 54,4 проценти, пред Алжир со 18,5 проценти и Русија со 9,8 проценти.
Подготвено од А.Ѓ.
About Author
