25.06.2026 Скопје
Франција и Италија се „природни и неопходни партнери“ и сакаме да го проектираме нашиот однос во иднина со јасни цели, изјави денес францускиот претседател Емануел Макрон.
Тој на прес-конференција со италијанскиот премиер Џорџо Мелони на 36-от самит Италија-Франција во Антиб, јужна Франција, рече дека одлуките што ги донесоа денес ќе „ја зајакнат соработката во европската одбрана“. Францускиот претседател рече дека самитот ставил акцент на „соработката во областа на одбраната: во поддршка на Украина, во мировните и заедничките безбедносни операции и во заедничките програми за оружје“.
Макрон, исто така, потсети дека „економската размена меѓу двете земји“ „надминала 100 милијарди евра во 2025 година“, со „значајни вкрстени инвестиции“. Покрај политичкиот самит, во Кан, на околу четириесет километри оддалеченост, се одржува и Економскиот форум Франција-Италија, настан на високо ниво посветен на зајакнување на економската, индустриската и стратешката соработка меѓу двете земји.
Подготвено од А.Ѓ.
About Author
