15.06.2026 Скопје
Портпаролот на иранското Министерство за надворешни работи, Есмаил Багеи, денес изјави дека почитувањето на суверенитетот и територијалниот интегритет на Либан е дел од привремениот мировен договор со САД.
Багеи ги даде овие забелешки откако израелскиот министер за одбрана Израел Кац изјави дека Израел нема да ги повлече своите сили од јужен Либан и дека ќе продолжи да дејствува за „уништување на терористичката инфраструктура во областа“.
Багеј рече дека официјален Техеран сè уште негува длабока недоверба кон САД и покрај постигнатиот рамковен договор со цел да се стави крај на војната.
„За жал, мора да се признае дека длабоката недоверба на Иран кон САД произлегува од долгата историја на злосторства извршени од американските лидери. Америка сè уште има долг пат пред да може да ја добие довербата на иранскиот народ“, рече Багеј, додавајќи дека рамковниот договор е само чекор кон намалување на тензиите и завршување на војната.
Тој нагласи дека прашањето за надомест на воената штета и барањето правда за сите жртви на војната е „континуирано и непростливо“.
„Никој не може да ги заборави злосторствата извршени против иранскиот народ под никакви околности. Министерството за надворешни работи ќе ги искористи сите средства, капацитети и меѓународни платформи за да ги документира и да зборува за овие гнасни злосторства“, рече Багеј.
Според него, постигнувањето на каков било договор за намалување на тензиите и прекин на војната никогаш нема да значи игнорирање, заборавање или простување на злосторствата извршени против иранскиот народ.
Подготвено од А.Ѓ.
About Author
