11.06.2026 Скопје
Целосното топење на сите глечери на Земјата би можело да го покачи нивото на морето за до 150 метри, изјави Ана Козачек, научник во Институтот за истражување на Арктикот и Антарктикот (AARI).
„Според истражувањата, доколку сите глечери на планетата се стопат целосно, нивото на морето би можело да се покачи за 60 метри, а земајќи ја предвид термичката експанзија на водата, до 150 метри“, рече Козачек.
Таа додаде дека не се очекува такво сценарио да се случи во наредните векови.
„Нивото на морето низ целиот свет продолжува да расте. Од 1900 година, тоа се зголеми за приближно 25 сантиметри, а сегашната стапка на зголемување е во просек околу три милиметри годишно“, заклучи таа.
Во март 2026 година, НАСА и Националниот центар за податоци за снег и мраз (NSIDC) објавија дека арктичкиот морски мраз достигнал зимски максимум од само 14,2 милиони квадратни километри, што е најнискиот регистриран зимски максимум откако започнале сателитските мерења во 1979 година.
Службата за следење на климатските промени „Коперникус“ објави сателитски податоци кон крајот на март кои покажаа дека ледената покривка паднала на најниско ниво досега, а научниците регистрираа исчезнување на ледена покривка двојно поголема од американската држава Тексас.
Подготвено од А.Ѓ.
About Author
