08.06.2026 Скопје
Високата претставничка на Европската Унија за надворешна политика, Каја Калас, денес изјави, во врска со ескалацијата на конфликтот меѓу Иран и Израел и ситуацијата во Ормутскиот теснец, дека регионот на Блискиот Исток „не има потреба од ескалација, туку страните всушност да седнат на преговарачка маса и да постигнат договор“.
„Преку ноќ повторно видовме ескалација. Не мислам дека на регионот му е потребна ескалација, туку страните всушност треба да седнат на преговарачка маса и да се договорат. Секако, зборуваме за нашата операција „Аспидес“, што друго можеме да направиме со операцијата „Аспидес“ во регионот. Патем, денес ќе биде и прв пат санкции за кршење на слободата на навигација да бидат применети кон Иран“, рече Калас на прес-конференција по нејзиното пристигнување на Кипар, според веб-страницата на дипломатската служба на ЕУ.
На прашањето дали ЕУ е едноставно осудена да чека прекин на огнот на Блискиот Исток и дали се планираат некакви потези, Калас рече дека, кога станува збор за Ормутскиот теснец, „Иран и САД мора да се договорат“.
„Значи, секако, велиме дека мора да има дипломатско решение и дека тие мора да седнат на преговарачка маса. Бидејќи, на крајот, тие мора да се согласат за тоа. Секако, можеме да помогнеме по прекинот на огнот, исто така и во следењето на промените, и за тоа ќе зборуваме денес. Но, првата точка е всушност прекинот на огнот. Секако, ние сме во контакт со двете страни за навистина да им ја пренесеме пораката дека прекинот на огнот е многу важен“, нагласи Калас.
Таа рече дека конфликтот во Иран, кој започна кон крајот на февруари откако преговорите за нуклеарната програма на земјата не успеаја да постигнат договор, и во кој моментално е на сила и се прекршува прекинот на огнот од 8 април, треба веднаш да престане.
„Мислам веднаш да се запре оваа војна, да се отвори Ормутскиот теснец, а потоа да се искористи времето за подолги дискусии кога станува збор за потешки теми како што се нуклеарното оружје, но и други критични прашања што постојат. Но, ние можеме да направиме само толку, па затоа се обидуваме да ги пренесеме овие пораки“, рече Калас.
Таа рече дека на неформалниот состанок на министрите за одбрана на земјите-членки на ЕУ на Кипар, една од темите на дискусија ќе биде слободата на пловидба и поморската безбедност, како и справувањето со руската флота во сенка, односно бродовите што се обидуваат да ги прекршат санкциите наметнати врз Русија.
„Значи, идејата е да се применат најдобрите практики, што прават различните земји со овие бродови, бидејќи тоа навистина претставува опасност, и секако, идејата е да се спречи Русија да ја финансира оваа војна во Украина“, заклучи таа.
Подготвено од А.Ѓ.
About Author
