05.06.2026 Скопје
Руските борци кои се бореле против Украина би можеле да претставуваат закана за безбедноста на ЕУ, а Европската комисија истражува како да го ограничи нивниот пристап до Шенген зоната, изјави портпаролот на ЕК, Маркус Ламерт.
Тој прецизираше дека ќе предложи насочени рестриктивни визни мерки за поефикасно справување со безбедносните ризици што произлегуваат од непријателски дејствија од трети земји. Ова е дел од ревизијата на Визниот законик, кој ќе стапи на сила на почетокот на 2027 година.
Ограничувањето на визите за руските граѓани е врвен приоритет за ЕК од почетокот на руската агресија врз Украина во 2022 година, додаде Ламерт. Тој потсети дека веднаш по инвазијата, договорот за олеснување на визниот режим со Русија беше целосно суспендиран. А од 2025 година, граѓаните на земјата нема да можат да добијат визи со повеќе влезови во ЕУ.
Пред војната, околу 4 милиони руски граѓани влегуваа во ЕУ годишно. Меѓутоа, сега тој број е намален на речиси 500.000.
Подготвено од А.Ѓ.
About Author
