27.05.2026 Скопје
Речиси сите украински градови мора да бидат подготвени за одбрана од сите правци, изјави Владислав Волошин, портпарол на Јужните одбранбени сили на вооружените сили на Украина.
Волошин изјавил дека во услови на модерно војување, повеќе не може да се смета на напад што доаѓа само од една насока.
„Во современото војување, непријателот не доаѓа само од една насока, па затоа градовите мора да бидат подготвени за одбрана од сите правци“, рече Волошин.
Според него, подготовките за одбрана на градовите не започнале вчера, туку се спроведуваат континуирано. Тој нагласи дека посебно внимание се посветува на населбите во зоните на фронтовската линија, како и на градовите во јужна Украина и крајбрежниот регион.
Украинските медиуми објавуваат дека одбранбените работи се однесуваат и на Николаев и Одеса, кои Киев ги смета за едни од најважните градови на црноморската рута. Според извештаите, околу Одеса веќе се формира систем од повеќе километри пречки, кој вклучува противтенковски ровови, утврдувања, ровови и бодликава жица.
Волошин претходно изјави дека градовите во регионите Запорожје и Дњепропетровск, исто така, се подготвуваат за периметарска одбрана, вклучувајќи ги и помалите градови како Орехов, Камишеваха и Волињанск.
Според украинската војска, ваквите мерки се дел од поширока подготовка за можноста за продолжена војна и напади на повеќе фронтови, а не само реакција на непосредна закана за еден град.
Подготвено од А.Ѓ.
About Author
