27.05.2026 Скопје
Албанија ќе направи сè што е потребно за да стане членка на ЕУ, дури и ако цената за пристапување кон Унијата е привремено суспендирање на нашето право на вето за време на пробен период, изјави албанскиот премиер Еди Рама на средбата со комесарката за проширување на ЕУ, Марта Кос.
„Ја поддржувам проширувањето и креативните и иновативни решенија затоа што Европа има војна што мора да ја води на своја почва“, рече Рама во вторник вечерта на состанокот со Марта Кос.
Владите на ЕУ разговараат за план за суспендирање на правото на вето за новите членки за прашања од надворешната политика, како што се санкциите против Русија и други одлуки што бараат едногласни одлуки од земјите-членки.
„Нема да се повлечеме, што и да е потребно за влез во ЕУ“, рече Рама, додавајќи дека е опуштен во врска со привременото ограничување на правото на вето на Албанија, бидејќи официјална Тирана отсекогаш била 100 проценти усогласена со надворешната политика на ЕУ.
Тој ја отфрли идејата дека ЕУ треба да се реформира пред да се прошири со нови земји-членки.
Подготвено од А.Ѓ.
About Author
