epa10166504 Chairman of the Christian Democratic Union (CDU) party and faction Friedrich Merz gestures as he speaks during a session of the German Parliament Bundestag in Berlin, Germany, 07 September 2022. Main topic of the four hour general debate during the budget week at the Bundestag is the Chancellery and the Chancellor. EPA-EFE/CLEMENS BILAN
18.05.2026 Скопје
Германскиот канцелар Фридрих Мерц денес изјави дека Германија ги осудува нападите на Иран врз Обединетите Арапски Емирати и други земји и дека Техеран мора да престане да им се заканува на своите соседи и да го отвори Ормутскиот теснец.
„Иран мора да започне сериозни преговори со САД, да престане да им се заканува на соседите и да го отвори Ормутскиот теснец без ограничувања“, рече Мерц во објава на платформата X.
Тој предупреди дека не смее да има понатамошна ескалација на насилството.
„Најостро ги осудуваме обновените ирански воздушни напади врз Обединетите Арапски Емирати и другите партнери. Нападите врз нуклеарните постројки претставуваат закана за безбедноста на луѓето низ целиот регион. Не смее да има понатамошна ескалација на насилството“, заклучи Мерц.
Министерството за одбрана на Обединетите Арапски Емирати (ОАЕ) вчера објави дека едно беспилотно летало погодило генератор во близина на нуклеарната централа Барака во Абу Даби, а дека преостанатите два беспилотни летала што учествувале во истиот напад, за кој велат дека бил лансиран од западната граница, биле соборени.
Подготвено од А.Ѓ.
About Author
