04.05.2026 Скопје
Министерството за внатрешни работи на ОАЕ издаде предупредување за потенцијална ракетна закана и ги повика граѓаните да побараат засолниште.
„Поради моменталната ситуација, потенцијалните ракетни закани, веднаш побарајте безбедност во најблиската обезбедена зграда, држете се подалеку од прозорци, врати и отворени простори. Почекајте понатамошни инструкции“, се вели во известувањето испратено до жителите на Дубаи и Шарџа преку СМС.
Обединетите Арапски Емирати претходно денес го обвинија Иран дека користел дронови за напад врз празен танкер за сурова нафта во сопственост на државната нафтена компанија Абу Даби, додека се обидувал да помине низ Ормутскиот теснец.
Единицата за поморска енергетска логистика на Националната нафтена компанија Абу Даби (ADNOC) соопшти дека танкерот, наречен Барака, бил празен кога бил нападнат од два дрона и дека нема повредени.
Иран ги блокирал повеќето неирански бродови да влезат и излезат од Персискиот Залив откако САД и Израел почнаа да го напаѓаат. Техеран се закани дека ќе нападне неовластени бродови додека минуваат низ теснецот, кој носи околу една петтина од светските пратки на нафта и гас.
Подготвено од А.Ѓ.
About Author
