21.05.2026 Скопје
Цените на нафтата на светските пазари паднаа за повеќе од 6 проценти во среда по сигналите за можен напредок во преговорите меѓу САД и Иран.
Ова ги поттикна очекувањата дека снабдувањето со нафта од Блискиот Исток би можело постепено да се обнови.
Цената на суровата нафта „брент“ падна на околу 105 долари за барел, додека американската сурова нафта „ВТИ“ падна на околу 98 долари за барел. Американскиот претседател Доналд Трамп изјави дека САД се во завршна фаза од разговорите со Иран за прекин на конфликтот, зголемувајќи го оптимизмот кај инвеститорите за стабилизација на енергетскиот пазар.
Аналитичарите проценуваат дека евентуалниот договор би можел да доведе до укинување на блокадата на комерцијалните бродови низ Ормутскиот теснец, клучен поморски пат за транспорт на нафта, низ кој минува значителен дел од светските резерви на енергија.
Дополнителен стимул за пазарот беа обезбедени од сателитските податоци кои покажуваат три супертанкери како минуваат низ преминот, што би можело да укаже на ублажување на ограничувањата за поморскиот сообраќај.
Од друга страна, податоците покажаа дека залихите на сурова нафта се намалија четврта недела по ред, додека стратешките резерви на нафта на САД се намалени за 10 милиони барели на годишно ниво.
Подготвено од А.Ѓ.
About Author
