epa02800189 Electrical power poles are seen in front of the skyline on the outskirts of Grodno, some 270 km from Minsk, Belarus, 28 June 2011. Russia's Inter RAO UES is planning to stop supplying electricity to Belarus at midnight on 29 June because of unpaid debts, local media reports. EPA/TATYANA ZENKOVICH
05.05.2026 Скопје
Просечната цена на електричната енергија за домаќинствата во Европската Унија малку се зголеми во втората половина од 2025 година, на 28,96 евра за 100 киловат-часови, објави денес Евростат.
Според податоците од Европскиот завод за статистика, во првите шест месеци од минатата година, 100 киловат-часови чинеле во просек 28,79 евра.
Зголемувањето на цената е последица на зголемените даноци и царини, кои се зголемија и номинално и како дел од конечната сметка за електрична енергија.
Ирска имаше најскапа електрична енергија за домаќинствата, со цена од 40,42 евра за 100 киловат-часови, пред Германија (38,69) и Белгија (34,99).
Најниски цени се забележани во Унгарија (10,82 евра), Малта (12,82) и Бугарија (13,55).
Најголемо зголемување на цените на електричната енергија во споредба со истиот период минатата година е забележано во Романија, каде што цените на електричната енергија се зголемија за 58,6 проценти, додека значителни зголемувања се регистрирани и во Австрија и Ирска.
Во исто време, пад на цените е забележан во Кипар (14,7 проценти), по што следат Франција и Данска.
Подготвено од А.Ѓ.
About Author
