06.04.2026 Скопје
САД, Иран и група регионални медијатори разговараат за условите за потенцијален 45-дневен прекин на огнот што би можел да доведе до траен крај на војната, велат четири американски, израелски и регионални извори запознаени со разговорите.
Договор во две фази
Медијаторите разговараат за условите на договор во две фази, при што првата фаза потенцијално би била 45-дневен прекин на огнот во текот на кој би се преговарало за траен крај на војната. Втората фаза би била договор за прекин на војната.
Прекинот на огнот би можел да се продолжи доколку е потребно дополнително време за разговори. Американскиот претседател Доналд Трамп вчера изјави дека вторник до вечерните часови е новиот рок за Иран да го отвори Ормускиот Теснец или да се соочи со напади врз критичната инфраструктура.
„Ако не направат нешто до вторник вечерта, нема да имаат повеќе електрани и нема да имаат повеќе мостови“, изјави Трамп.
Подготвено од М.Д.
About Author
