20.04.2024 Скопје
Извршниот директор на „Мета“, Марк Цукерберг, сега е трет најбогат човек во светот, надминувајќи го извршниот директор на „Тесла“, Илон Маск, објави „Блумберг“ во својот Индекс за милијардери.
Богатството на Цукерберг преку ноќ се зголеми за 2,6 милијарди долари на 178 милијарди долари.
Акциите на „Мета“ пораснаа за 1,5 отсто откако оваа компанија го објави својот нов модел на вештачка интелигенција „Llama 3“ (Llama 3) и ажурирана верзија на четбот вештачка интелигенција „Meta AI“.
Во исто време, богатството на Маск падна за речиси четири милијарди евра на 170 милијарди. Акциите на „Тесла“ синоќа паднаа за 3,6 отсто.
На второ место по богатство е францускиот тајкун во областа на луксузни стоки, Бернар Арно, кој ја предводи мега-корпорацијата „Moet Hennessy Louis Vuitton“ /LVMH/ со 218 милијарди долари.
На прво место како најбогат човек на светот е основачот на „Амазон“, Џеф Безос, со богатство од 201 милијарда долари.
Подготвено од А.Ѓ.
About Author
