15.07.2026 Скопје
Поранешниот унгарски министер за надворешни работи и трговија, Петер Сијарто, денес објави дека поднел оставка од функцијата пратеник откако прифатил понуда за меѓународна позиција во една од водечките светски компании BYD.
Сијарто рече дека е „исклучително почестен“ од понудата да преземе меѓународна позиција во BYD, еден од најголемите светски производители на автомобили и водечки производител на електрични возила.
„Од денес, продолжувам да работам во групата како менаџер задолжен за надворешните односи на компанијата и развојот на нови деловни области“, напиша Сијарто на Фејсбук.
BYD, кинеска мултинационална високотехнолошка компанија со седиште во Шенжен, доживеа силен раст во последните години и е еден од глобалните лидери во производството на нови енергетски возила (NEV), кои вклучуваат целосно електрични возила (BEV) и plug-in хибридни возила (PHEV).
Подготвено од А.Ѓ.
About Author
