05.06.2026 Скопје
Германскиот канцелар Фридрих Мерц изјави денес дека Европската Унија планира да започне постепен процес на вклучување на земјите од Западен Балкан во европските структури, што истовремено би им испратило јасна порака дека се пожелни како полноправни членки на Унијата.
Зборувајќи по самитот на лидерите на ЕУ и Западен Балкан во Тиват, Мерц рече дека пораката од состанокот била недвосмислена.
„Јасната порака од денес е и ќе остане: ве сакаме. Сакаме овој регион и државите што го сочинуваат наскоро да станат членки на Европската Унија“, рече германската канцеларка.
Мерц не даде детали за конкретните чекори или временската рамка на процесот, но нагласи дека ЕУ сака да ја продлабочи интеграцијата со земјите од регионот и да го забрза нивниот пристап кон членство.
Самитот во Тиват ги собра лидерите на земјите-членки на ЕУ и земјите од Западен Балкан, а една од главните теми беше политиката на проширување и зајакнувањето на соработката со регионот.
Подготвено од А.Ѓ.
About Author
