19.05.2026 Скопје
Министерството за одбрана на Обединетите Арапски Емирати (ОАЕ) денес соопшти дека шест беспилотни летала биле лансирани во земјата од Ирак во последните 48 часа, вклучувајќи го и оној што предизвика пожар во нуклеарната централа Барака во неделата.
Во соопштението се наведува дека само еден дрон лансиран од Ирак не бил пресретнат.
Вреди да се одбележи дека вкупно три дронови ја таргетирале нуклеарната централа Барака.
По нападот со беспилотни летала, Федералната агенција за регулирање на нуклеарната енергија на ОАЕ објави дека нуклеарната централа останува безбедна и дека како резултат на нападот не е ослободен радиоактивен материјал.
Напад со беспилотно летало во неделата предизвика пожар во електричен генератор надвор од внатрешниот периметар на нуклеарната централа Барака.
Официјалните претставници на Емиратите изјавија дека имаат целосно право да одговорат на ваквите „терористички напади“.
Подготвено од А.Ѓ.
About Author
