16.05.2024 Скопје
Ирска сигурно ќе ја признае палестинската државност до крајот на мај, изјави министерот за надворешни работи на земјата, Мајкл Мартин, без да прецизира датум.
„Ќе ја признаеме државата Палестина пред крајот на месецот“, изјави Мартин, кој е и вицепремиер на Ирска.
Говорејќи денеска тој рече: „Ќе ја признаеме државата Палестина пред крајот на месецот. Конкретниот датум е сè уште флуиден бидејќи сè уште сме во разговори со некои земји во однос на заедничкото признавање на палестинската држава“.
„Ќе стане јасно во следните неколку дена за конкретниот датум, но тоа секако ќе биде пред крајот на овој месец и со нетрпение ќе ги очекувам денешните консултации со некои министри за надворешни работи во однос на конечните конкретни детали за тоа“, додаде Мартин.
Подготвено од М.Д.
About Author
