11.03.2026 Скопје
Кардиологот Анируд Балачандран од „Duke University School of Medicine“ објаснува дека умерениот внес на екстра девствено маслиново масло може значително да придонесе за здравјето на срцето, но поголеми количини не носат дополнителна корист.
Според него, најдобар избор е екстра девственото маслиново масло бидејќи е најмалку преработено и содржи најмногу хранливи материи.
„Заменувањето на заситените масти со незаситени масти од растително потекло, како што е екстра девственото маслиново масло, носи јасни здравствени придобивки“, вели Балачандран.
Тој препорачува дневниот внес да биде најмалку околу 7 грама, што е приближно половина лажица, но да не надминува 20 грама, односно околу една и пол лажица.
Според кардиологот, секои 10 грама маслиново масло во тие граници се поврзани со помал ризик од кардиоваскуларни заболувања. Ова го потврдува и познатата медитеранска студија „PREDIMED study“, според која ризикот од срцеви проблеми може да се намали за околу 10 проценти.
Сепак, Балачандран предупредува дека поголеми количини не значат и поголема заштита.
„Над 20 грама дневно нема дополнителна докажана корист за кардиоваскуларното здравје. На крајот, вишокот калории не му прави добро на никого“, објаснува тој.
Еден од најголемите проблеми, додава кардиологот, е што луѓето тешко ја проценуваат количината масло што ја користат, особено кога го истураат директно од шишето.
Дури и искусни готвачи лесно можат да ја надминат препорачаната дневна количина ако маслото го користат во повеќе оброци во текот на денот.
Поради тоа, експертите препорачуваат употреба на дозери или шишиња со контролирано истурање, кои овозможуваат попрецизно дозирање и полесна контрола на дневниот внес.
Подготвено од М.Д.
About Author
