06.02.2026 Скопје
Известувачот на Европскиот парламент за РС Македонија, Томас Вајц, имаше средба со раководството на СДСМ и претседателот на партијата, Венко Филипче. Според соопштението на партијата, на состанокот се разговарало за актуелната политичка состојба и за евроинтеграцискиот процес на државата.
Филипче нагласил дека статусот во кој се наоѓа евроинтеграцискиот процес на РС Македонија е сериозно загрижувачки, реформската агенда е закочена, реформите не се спроведуваат, а власта не покажува волја за продолжување на европскиот пат. Тој додаде дека наместо напредок кон европскиот пат, државата поради политиките на власта се соочува со стагнација, блокирани реформи и политики кои ја оддалечуваат државата од европските стандарди.
Филипче рекол дека РС Македонија заслужува да се движи напред, а не да губи време и да остане изолирана. И дека СДСМ останува цврсто посветен на европските вредности и реформи, бидејќи иднината на РС Македонија во Европската унија.
Подготвено од М.Д.
About Author
