21.01.2026 Скопје
„Нова Европа веќе се појавува“, порача претседателката на Урсула фон дер Лајен во Давос, поздравувајќи ги новите трговски договори и пофалувајќи ја „фер трговијата наместо царините“. Таа практично, посочи на неодамнешното потпишување на трговскиот договор ЕУ-Меркосур, завршен по четврт век преговори, со кој се создаде најголемата зона на слободна трговија во светот.
„Овој договор испраќа моќна порака до светот дека избираме фер трговија наместо царини, партнерство наместо изолација, одржливост наместо експлоатација. И дека сме сериозни во врска со намалувањето на ризикот на нашите економии и диверзификацијата на нашите синџири на снабдување“, вели таа во она што се толкува како прикриен удар кон претседателот Доналд Трамп по неговите најнови закани за царини.
Фон дер Лајен вели дека ЕУ, исто така, ги унапредува разговорите со други пазари, вклучително и Индија, која, според неа, „некои ја нарекуваат… мајка на сите договори“, што би создало слободен пазар од две милијарди луѓе.
„Од Латинска Америка до Индо-Пацификот и далеку подалеку, Европа секогаш ќе го избере светот. И светот е подготвен да ја избере Европа“, рече таа.
Лајен ги предупреди бизнис лидерите да се откажат од „носталгијата“ за минатото, велејќи им дека тоа „нема да го врати стариот поредок“ и повикувајќи ги да се фокусираат на градење понезависна Европа.
Отворајќи го својот говор во Давос, таа рече дека ЕУ мора да ги искористи „геополитичките шокови“ – тоа е учтивиот код за Трамп оваа недела, како и подемот на асертивната Кина и Русија – за да „изгради нова форма на европска независност“. Таа инсистираше дека ЕУ „дејствувала веднаш“ за да одговори на новиот предизвик и „без разлика дали станува збор за енергија или суровини, одбрана или дигитално – ние се движиме брзо“.
Во еден особено впечатлив пасус, таа рече: „Но, вистината е исто така дека ќе можеме да ја искористиме оваа можност само ако препознаеме дека оваа промена е трајна. Секако, носталгијата е дел од човечката приказна.Но, носталгијата нема да го врати стариот поредок. И играњето со време – и надевањето дека работите наскоро ќе се вратат – нема да ги поправи структурните зависности што ги имаме.Значи, мојата поента е: Ако оваа промена е трајна, тогаш и Европа мора трајно да се промени. Време е да ја искористиме оваа можност и да изградиме нова независна Европа“, рече Лајен.
Подготвено од М.Д.
About Author
