29.12.2025 Скопје
Американскиот претседател Доналд Трамп на почетокот од состанокот со украинскиот претседател Володимир Зеленски во Флорида изјави дека верува оти разговорите за завршување на војната на Русија во Украина се во „завршна фаза“.
Тој рече декаи покрај недостатокот на детали, дефинитивно ќе биде склучен безбедносен договор. Според него, тој ќе биде силен, а европските земји ќе играат клучна улога во него.
Трамп нагласи дека европските партнери активно го поддржуваат процесот на преговори и се заинтересирани за постигнување договор:
Сите тие го сакаат ова и се многу поддржувачки.
Коментарите на Трамп следеа по претходниот телефонски разговор со рускиот претседател Владимир Путин, за кого Трамп рече дека е „многу сериозен“ во врска со завршувањето на војната.
Ќе го повикам и претседателот Путин по состанокот со Зеленски и ќе продолжиме со преговорите – рече Трамп.
Трамп претходно рече дека имал „многу продуктивен“ телефонски разговор со Путин.
„Тукушто имав добар и многу продуктивен телефонски разговор со рускиот претседател (Владимир) Путин“, напиша Трамп на својата платформа Truth Social, без да открие детали од разговорот.
Подготвено од М.Д.
About Author
