19.11.2025 Скопје
Администрацијата на Трамп тајно формулира нов план за завршување на војната во Украина во консултација со Русија, објави во вторникот новинска агенција, повикувајќи се на американски и руски претставници.
Станува збор за план од 28 точки инспириран од планот на американскиот претседател Доналд Трамп за прекин на огнот во Газа, објави новинската агенција.
Слично на планот за Газа, предлогот би се состоел од „мир во Украина, безбедносни гаранции, безбедност во Европа и идни односи на САД со Русија и Украина“.
Специјалниот претставник на САД, Стив Виткоф, го предводи формирањето на планот и „опширно го дискутирал со рускиот претставник Кирил Дмитриев“.
Цитирајќи украински претставник, се посочува дека Виткоф разговарал за планот со Рустем Умеров, советник за безбедност на украинскиот претседател Володимир Зеленски, претходно оваа недела во Мајами.
Американски претставник, истакна дека Белата куќа започнала да ги информира европските претставници за предлогот.
Белата куќа не одговори веднаш на барањето за коментар.
Во меѓувреме, Русија испрати 11 беспилотни летала кон Украина синоќа. Беше погодена станбена зграда во Харков, вториот по големина град во Украина.
Подготвено од М.Д.
About Author
