27.10.2025 Скопје
Ова ги лишува нивните сопственици од можноста да бараат надомест во случај нивните миленици да се изгубат за време на меѓународни летови.
Одлуката на судот на ЕУ следеше по случај каде куче избегало од својата носилка на аеродромот во Буенос Аирес во 2019 година и никогаш не било пронајдено, а неговиот сопственик побарал надомест од 5.000 евра од авиокомпанијата Иберија.
Компанијата го признала губењето на кучето, но тврдела дека нејзината одговорност е ограничена со прописите на ЕУ за чекиран багаж.
Судот на правдата на ЕУ пресуди дека Монтреалската конвенција од 1999 година, која ја регулира одговорноста на авиокомпаниите за багаж, се однесува на сите парчиња багаж во авионот, вклучително и домашните миленици.
Како што е нагласено во пресудата, авиокомпаниите не се обврзани да платат надомест што ја надминува горната граница на надомест утврдена со Монтреалската конвенција, освен ако патникот не изрази посебен интерес во врска со некој дел од багажот.
Оваа пресуда ја потврдува сегашната регулаторна рамка што ја ограничува одговорноста на авиокомпаниите за изгубени домашни миленици, освен ако патниците тоа конкретно не го побараат.
За авиокомпаниите во Европа, оваа пресуда носи правна сигурност и ги штити од поголеми барања за надомест на штета.
Одлуката на судот на ЕУ им дава насоки на националните судови во балансирањето на меѓународните прописи за воздухопловство со европските стандарди за благосостојба на животните. Судот заклучува дека домашните миленици не се ослободени од концептот на багаж. Иако вообичаеното значење на терминот се однесува на предмети, самиот тој факт не води до заклучок дека домашните миленици не се дел од тој концепт, се наведува во одлуката.
Подготвено од М.Д.
About Author
