29.09.2025 Скопје
Станува збор за висечки мост со челични решетки со вкупна должина од 2.890 метри. Челичните решетки на мостот тежат вкупно околу 22.000 тони, што е еквивалентно на тежината на три Ајфелови кули.
Во Кина официјално за јавноста е отворен највисокиот мост во светот. Мостот на кањонот Хуаџијанг се издига 625 метри над клисура во кинеската покраина Гуиџоу. Тоа е 289 метри повисоко од претходниот носител на рекордот, Вијадуктот Мијо во Франција.
Според кинеските медиуми, мостот го скратува времето на патување помеѓу двете страни на кањонот од речиси два часа на само две минути.
Изградбата официјално започна на 18 јануари 2022 година.
Порано оваа година, во август, тест тим возеше 96 камиони до одредени точки на мостот за да го тестира неговиот структурен интегритет.
Мостот сега постави рекорд како највисок мост во светот, но и како мост со најдолг распон изграден во планинска област.
Гуиџоу е планинска покраина со исклучително сложен релјеф, а мостот го преминува длабокиот и тесен кањон Хуаџијанг, кој мештаните го нарекуваат „пукнатина во земјата“.
Подготвено од М.Д.
About Author
