12.08.2025 Скопје
Американската војска се подготвува да мобилизира стотици војници од Националната гарда во Вашингтон , изјавија двајца американски функционери во неделата.
Функционерите, кои зборуваа под услов да останат анонимни, рекоа дека конечната одлука сè уште не ја донел американскиот претседател Доналд Трамп, но дека војниците се подготвени за распоредување.
Еден од официјалните лица рече дека не е јасно што точно ќе прават војниците , но дека би можеле да учествуваат во напорите за заштита на федералните агенти или дури и да извршуваат административни задачи за ослободување на органите.
Сепак, познато е дека, американскиот претседател се закани дека ќе ги исели сите бездомници од Вашингтон.
„Бездомниците треба да се иселат, СЕГА. Ќе ви дадеме места за престој, но ДАЛЕКУ од главниот град. Криминалци, не мора да излегувате. Ќе ве ставиме во затвор каде што ви е местото“, напиша тој во објава на неговата социјална платформа Truth Social.
Се очекува Трамп подоцна денес да одржи прес-конференција на оваа тема, каде што ќе објасни повеќе за своите планови „за запирање на насилството во Вашингтон“.
Градоначалничката на Вашингтон, демократката Мјуриел Баузер, денес изјави дека главниот град „не страда од пораст на криминалот“.
Коментарите на Трамп за ситуацијата со криминалот доаѓаат откако нападот врз млад вработен во градот го налути американскиот претседател, што доведе до распоредување на повеќе федерални полицајци во Вашингтон.
Подготвено од М.Д.
About Author
