26.08.2025 Скопје
Вишото државно обвинителство одреди мерка притвор во траење до 72 часа за двајца осомничени, кои беа лишени од слобода во операцијата за пронаоѓање на најголемата плантажа со канабис во Црна Гора, која броеше преку 13 илјади садници.
Директорот на полицијата, Лазар Шќепановиќ, на прес-конференција објави дека се работи за конфискација на марихуана чија вредност надминува пет милиони евра, а нејзината цена на пазарот достигнува дури и десет милиони евра. Тој истакна: “Засадени се 13,100 садници, станува збор за избор на погодно земјиште, систем за наводнување и дотур на вода, систем за напојување со електрична енергија.”
Локацијата на плантажата беше откриена во областа на Црмница, а тешко достапниот терен претставувал идеално место за лицата кои учествувале во ова криминално дејствие. Шќепановиќ објасни дека насадите се простирале на осум парцели, во сопственост на 15 различни лица.
Плантажата беше откриена пред два дена, а јавноста беше известена за настанот вчера, пренесе Бета. Шќепановиќ изјави дека активно се работи на идентификување на сите лица кои се поврзани со плантажата со марихуана.
“Управата на полицијата работи на идентификација на сите поврзани лица кои дале придонес во спроведувањето на криминалните активности, преработка и подоцна планирана дистрибуција,” рече Шќепановиќ на прес-конференцијата.
Подготвено од М.Д.
About Author
