25.07.2025 Скопје
Инфекцијата може да предизвика сериозни дигестивни проблеми, а кај децата, постарите лица и лицата со ослабен имунолошки систем може да има посериозни последици. Затоа, важно е да се следат правилата за хигиена и внимателно да се ракува со храната во текот на топлите месеци.
Лекарите предупредуваат на неколку клучни симптоми на кои треба да се обрне посебно внимание.
Еден од првите и најочигледни симптоми на труење со храна е обично дијареата. Според д-р Арџун Венкатеш, столицата може да биде екстремно водена, а понекогаш „содржи крв или слуз“. Ако забележите крв во столицата, потребно е што поскоро да се посети лекар.
Покрај дијареата, чест симптом на инфекција со салмонела се грчевите.
„Гастроинтестиналните симптоми вклучуваат и стомачни грчеви“, вели д-р Венкатеш.
Центрите за контрола и превенција на болести (CDC) додаваат дека повеќето заразени лица доживуваат „абдоминални грчеви кои можат да бидат многу интензивни“.
Гадењето може да започне многу рано, понекогаш дури два до четири часа по јадење контаминирана храна. Повраќањето е исто така карактеристичен знак за труење со храна и, како што вели д-р Венкатеш, „може да трае некое време“. Cе предупредува дека дефинитивно треба да посетите лекар ако повраќате повеќе од два дена.
Друг знак што укажува на салмонела е ненадејното губење на апетитот.
„Можете целосно да го изгубите апетитот со часови или дури и денови по почетокот на инфекцијата“, вели д-р Венкатеш.
Покрај тоа, важно е да се следат знаците на дехидратација, што се јавува поради недостаток на течности во телото.
„Ако имате дијареја или повраќате, клучно е да пиете многу течности за да го надоместите губитокот“, додава тој.
Ако ги препознавате овие симптоми кај себе, важно е да размислите да посетите лекар.
„Доколку вашите симптоми се сериозни и не покажуваат знаци на подобрување, веднаш побарајте медицинска помош во најблиската служба за итни случаи“, заклучува д-р Венкатеш.
Д-р Венкатеш нуди неколку практични совети за спречување на инфекција со салмонела:
– Во текот на летните месеци, доколку е можно, обидете се сами да одгледувате зеленчук.
– Секогаш темелно мијте го овошјето и зеленчукот пред јадење. Држете ги под ладна вода и добро истријте ја кожата за да ја отстраните нечистотијата.
– Редовно следете ги повлекувањата на производите и не консумирајте храна од листата.
– Изберете ресторани со добра репутација и хигиенски стандарди кои се видливо чисти.
Подготвено од М.Д.
About Author
