09.07.2025 Скопје
Американскиот претседател Доналд Трамп на приватна вечера во 2024 година изјавил дека се обидел да го одврати рускиот претседател Владимир Путин од напад врз Украина, заканувајќи му се дека ќе ја бомбардира Москва.
Познатиот американски медиум вели дека поседува ексклузивна аудио-снимка од вечерата која била добиена од новинарите.
Автентичноста на снимката не е потврдена. Исто така, тимот на Трамп засега не одговори на барањата за коментар.
Му реков на Путин: „Ако влезете во Украина, ќе ја бомбардирам Москва. Немам избор“ – вели на снимката шефот на САД пред своите донатори за претседателски избори во 2024 година.
Трамп понатаму тврди дека Путин не ја сфатил сериозно заканата, „но ми веруваше 10 проценти“ .
Трамп исто така пред донаторите тврдел дека упатил слична закана кон кинескиот претседател во врска со Тајван:
Му ја реков истата работа на претседателот Си Џинпинг… Ако влезеш во Тајван, пеколно ќе го бомбардирам Пекинг. Тој мислеше дека сум луд… никогаш немавме проблем.
Веста дека Трамп му се закнувал Путин ја објавија новинарите Џош Дози, Тајлер Пејџер и Исак Арнсдорф во нивната книга „2024 : How Trump Retook the White House and the Democrats Lost America“.
Подготвено од М.Д.
About Author
