24.07.2025 Скопје
Фиренца е прогласена за најдобар европски град за 2025 година, според резултатите од годишното истражување на списанието Travel + Leisure, во кое учествуваат читатели и патници од целиот свет. Иако овој пат доминираа градови од Латинска Америка и Азија, европските дестинации продолжуваат да фасцинираат – особено оние од Италија.
Врз основа на речиси 180.000 гласови, градовите беа оценети според шест критериуми: знаменитости, култура, храна, гостопримство, шопинг и целокупна вредност на патувањето.
Италија е единствената европска земја со три градови меѓу 25-те најдобри во светот:
Фиренца
Рим
Сиена
Сите се пофалени за нивната безвременска убавина, богата култура и незаборавна кујна, од катедрали од 15 век и мали семејни ресторани до тесни улички исполнети со живот.
Веднаш зад Фиренца се наоѓаат Севиља и Гранада. Овие два андалузиски града се познати по својата историја, убавината на старите градски центри и посебниот шарм на југот на Шпанија.
Потоа следи Истанбул, град на раскрсницата на континентите, познат по својата богата историја, зачинета храна и извонредна енергија што ги обединува Истокот и Западот.
Иако Франција е сè уште најпосетуваната земја во светот, со над 100 милиони туристи годишно, ниту еден од нејзините градови не се најде меѓу првите 25.
Подготвено од М.Д.
About Author
