12.06.2025 Скопје
Пролетните топлотни бранови би можеле да претставуваат непосредна закана за ранливите луѓе дури и во Исланд и меѓу инуитските заедници на Гренланд.
„Луѓето често помислуваат на земји како Индија, Италија и САД кога зборуваме за климатските промени и топлотните бранови“, вели д-р Сара Кју, истражувач во Кралскиот холандски метеоролошки институт.
Сепак, како што покажува новата студија на групата World Weather Attribution (WWA), „дури и земјите со ладна клима доживуваат невидени високи температури“.
Топлотниот бран во Исланд и Гренланд минатиот месец беше за околу 3°C потопол поради климатските промени предизвикани од човекот, откри групата истражувачи.
На 15 мај, станица на аеродромот Егилштадир во Исланд измери 26,6°C, што е нов национален рекорд за месецот. Само неколку дена подоцна, на 19 мај, станицата Итокортурмиит во источен Гренланд извести за 14,3°C, што е далеку над месечниот просек на дневни максимални температури од 0,8°C.
„За некои, зголемувањето од 3°C можеби не звучи многу, но придонесе за масовното губење на мразот во Гренланд“, додава д-р Ку, еден од 18-те глобални истражувачи кои стојат зад новата студија на WWA.
Топлината предизвикана од климатските промени од 15 до 21 мај доведе до околу 17 пати поголемо топење на ледената покривка на Гренланд од просекот, според прелиминарната анализа на Националниот центар за податоци за снег и мраз на САД.
Подготвено од М.Д.
About Author
