08.05.2025 Скопје
Немојте да бидете жртва на изнудување за членство во Европската Унија(ЕУ), порача од Скопје, хрватскиот претседател Зоран Милановиќ.
Тој се сретна со македонската претседателка Гордана Сиљановска-Давкова и рече дека РС Македонија добива совети, но не се сите совети паметни.
„Вие сте тие, кои ќе одлучите што е важно за вас. Само немојте да бидете жртва на некаква уцена или изнудување, кога станува збор за вашето членството во ЕУ“, изјави Милановиќ.
За Бугарија рече дека тие имаат свои идеи како тоа треба да изгледа.
„Правилата се јасни, треба консензус, треба едногласност. Додека некој е против РС Македонија за жал не може да напредува на тој пат. Единствено е прашањето дали тоа за вас и за вашите граѓани уште е најважната работа на овој свет вредна во животот или има некои други работи кои може државата да ја дефинираат како успешна и реализирана заедница. Но, тука јас немам совет, тоа е ваша одлука“, рече Милановиќ.
Подготвено од М.Д.
About Author
