20.05.2025 Скопје
Срцевите заболувања се една од водечките причини за смрт во светот. Милиони луѓе земаат лекови за намалување на холестеролот и крвниот притисок за да го намалат ризикот. Сепак, постојат и намирници за кои е докажано дека го штитат здравјето на срцето – вклучувајќи го и овошјето. Кардиолог го откри своето омилено овошје за здраво срце, нејзиниот одговор изненади многумина: авокадо.
Авокадото содржи витамини, минерали и антиоксиданти кои го поддржуваат здравјето на срцето. Еден од клучните е калиумот. „Калиумот помага во намалување на крвниот притисок со тоа што ги намалува ефектите на натриумот“, вели кардиологот. Половина авокадо содржи речиси 500 милиграми калиум, повеќе од една банана. Дополнително, авокадото содржи антиоксиданти како каротеноиди и витамин Е, кои помагаат во заштитата на крвните садови, го намалуваат ЛДЛ холестеролот и го подобруваат кардиоваскуларното здравје.
Покрај тоа, богато е со полинезаситени и мононезаситени масти кои можат да помогнат во намалувањето на ЛДЛ холестеролот. Овие масти се толку корисни што експертите често ги препорачуваат наместо заситени масти секогаш кога е можно.
Половина авокадо исто така содржи речиси седум грама влакна – четвртина од препорачаната дневна доза. Околу половина од нив се растворливи влакна, кои помагаат во намалување на холестеролот. Влакната, исто така, можат да помогнат во намалувањето на крвниот притисок.
Исто така, авокадото содржи растителни стероли (важна класа на органски соединенија) кои го намалуваат холестеролот со тоа што спречуваат негова апсорпција. „Растителните стероли можат да го намалат холестеролот со спречување на апсорпцијата на холестерол, а понискиот холестерол може да го намали ризикот од развој на кардиоваскуларни заболувања“, изјави доктор Александар. Освен тоа, авокадото лесно се вклопува во исхраната – може да се додаде во тост, да се користи наместо мајонез, да се меша во сосови, па дури и десерти.
Подготвено од М.Д.
About Author
